أسرة شباب الدلتا

أسرة شباب الدلتا

مرحبا" بكل السادة الزوار والاعضاء . نرجوا ان ينال المنتدى اعجابكم . بتسجيلكم نزداد تشريفا" وباقتراحاتكم نزداد تطويرا" . اهلا" بكم فى اى وقت ومن اى مكان ... ادارة المنتدى
حافظوا على مصر . اللهم احفظ بلدنا مصر من كل سوء وجنب اهلها الفتن يا رب العالمين . حافظوا على مصر

    جوله فـ عز الشتا

    شاطر
    عادل أحمد العوضى
    عادل أحمد العوضى
    Admin

    ذكر عدد المساهمات : 283
    نقاط : 6758
    السٌّمعَة : 8
    تاريخ التسجيل : 08/10/2010
    العمر : 27
    انا ساكن هنا : طنامل الشرقى/اجا/دقهلية
    العمل/الترفيه : المدير العام للمنتدى-الكمبيوتر والانترنت
    المزاج : ف السحاااب

    جوله فـ عز الشتا

    مُساهمة  عادل أحمد العوضى في الإثنين ديسمبر 13, 2010 8:29 pm

    [ندعوك للتسجيل في المنتدى أو التعريف بنفسك لمعاينة هذه الصورة]

    فى عز الشتا

    والبرد نازل والمطر

    بشيل الغطا

    وانزل الملم فى الصور

    متلخبطه

    احاسيس جوانا مـ العبر

    متفرطه

    احلام فـ قلبى من الصِغر



    فـ عز الشتا



    بمشى لوحدى فى الشوارع

    بشوف كتير ..شايف ميدان

    وقصر ومدنه تحتيها جامع

    شايف تمثال جوا الميدان

    دارس وشاهد ع التاريخ

    واقف تقولشى شمعدان

    ع الناحيه التانيه م الرصيف

    بياع جرايد من زمان

    الدنيا من حواليه شتا

    قاعد وحاسس بلامان

    مش همه الناس متكلفته

    اصله شايفها فى قلبه صيف

    سالته اخبار الجو ايه

    قالى يا بيه مبقتش فارقه

    الصيف بيجى ف الشتا

    والمطره تمطر فى الخريف

    والناس خلاص مش مستحمله

    كله ماشى هزلان ضعيف

    تعرف ان ليه واقف كده

    وسهران هنا فى عز الشتا

    اصلى زمان ايام الغذا

    اكلنا السمنه بالرغيف

    وصمدنا ادام العدا

    ضحكنى تعليقه الظريف

    ياعم هتعايرنى ليه؟

    انا ماشى خلاص

    الجته مش مستحمله

    قالى يا بيه مش قولتلك

    وقالى هستناك تجيلى

    لسه لـ كلامنا تكمله

    دايما تلاقينى فى نفس المكان

    قاعد هنا فى عز الشتا

      الوقت/التاريخ الآن هو الجمعة مارس 22, 2019 7:34 pm