أسرة شباب الدلتا

أسرة شباب الدلتا

مرحبا" بكل السادة الزوار والاعضاء . نرجوا ان ينال المنتدى اعجابكم . بتسجيلكم نزداد تشريفا" وباقتراحاتكم نزداد تطويرا" . اهلا" بكم فى اى وقت ومن اى مكان ... ادارة المنتدى
حافظوا على مصر . اللهم احفظ بلدنا مصر من كل سوء وجنب اهلها الفتن يا رب العالمين . حافظوا على مصر

    علشانك يا بلدى‏

    شاطر
    avatar
    عادل أحمد العوضى
    Admin

    ذكر عدد المساهمات : 283
    نقاط : 6640
    السٌّمعَة : 8
    تاريخ التسجيل : 08/10/2010
    العمر : 27
    انا ساكن هنا : طنامل الشرقى/اجا/دقهلية
    العمل/الترفيه : المدير العام للمنتدى-الكمبيوتر والانترنت
    المزاج : ف السحاااب

    علشانك يا بلدى‏

    مُساهمة  عادل أحمد العوضى في الأحد يناير 02, 2011 12:17 am

    [ندعوك للتسجيل في المنتدى أو التعريف بنفسك لمعاينة هذه الصورة]

    الشاعر سامح عبد الهادى 1/1/2011


    علشانك يا بلدى ... أسامح وأعدى

    وأربى حب ترابك فى ولدى

    وأشيل عن إديكى حلمك الوردى

    وباقولها بكل فخر وكبرياء

    ماحدش فى الدنيا أدى

    دا أنا من البلد دى



    البلد اللى فيها الخير باقى لحد يوم الدين

    البلد اللى لما ننام فيها بننام مطمنين

    ولما ترجع من شغلك .. كلك هم وتعب

    بتلاقى حب باقى .. وحضن دافى .. بتلاقى دين

    أنا م البلدى ... اللى كل الدنيا عاشت على خيرها سنين



    لما فاسد يغش فيها وبفترى

    إزاى أنا ابيع بلادى ؟؟؟

    لما ظالم .. يسرق قوتى منها

    ويخنق ولادى

    لما الظلم يبقى مستباح

    وسرقة بيوتنا شئ متاح

    يبقى المفروض نفهم ساعتها

    ان بلادنا فى إيد أعادى

    اللى عايزين يفجروا فيها فتنة وفساد

    اللى بيحاولوا يضربوا فيها العماد

    هم عارفين انها أقوى البلاد

    وانها فى رباط لحد يوم الميعاد

    هى قوية بأهلها

    بشعبها .. بإيد ولادها وحلمها

    وأنا أول واحد باعلن إنى ابنها

    وأول واحد فى الدنيا .. هايدافع عنها

    ويموت ألف مرة لجل يرفع اسمها

    هو مسلم وللا مسيحى وللا يهودى

    وللا حتى ان كان من عباد البقر

    المصرى .. فوق دماغ كل البشر

    وبيعرف يفرق .. بين الحبيب .. واللى غدر

    وهاتفضل مصر .. أرض الأمان

    أرض الحب .. وعشيقة القمر

    مصر بريئة من كل خاين قذر

    اللى بيضرب بقوة فى قلبها

    واللى بيحاول يهتك عرضها

    ويشعل نار الفتنة بين الاخوات على أرضها

    أنا م البلد دى وخلى بالك

    البلد دى .. ما بتسيبش حقها

    عمرها ما باعت أهلها

    وكل مسلم أو مسيحى

    بيقدس ترابها وبيقدس اسمها

    لإن الإسلام .. دين الحب والسلام

    والمسيح .. قال على الأرض السلام

    ومحمد لما قال ان الدين المعاملة

    والمسيح لما قال إن الله محبة

    أنا عارف كويس اللى معايا واللى ضدى

    مسلم أو مسيحى ده أخويا وابن بلدى

    ده جارى وزميلى وصاحبى وسندى

    حبايب فى بلدى

    هسامح وأعدى

    وأربى حب ترابك فى ولدى



    إزاى حضن الأمان يتملى غدر وخيانة

    إزاى سيوف الحق .. تبقى خايبة وجبانة

    ما انتو السبب

    انتو اللى قبلتو الإهانة

    إيه ذنب البلد

    أنتو اللى خنتوا الأمانة

    لا حاكم حكم بضمير

    ولا ظابط فى الشرطة حمانا

    وأنا فيكم بس برئ منكم

    مش هاقول البلد ظلمانا

    هقول .. أنا م البلد دى

    البلد اللى فى عنيها شايلانا



    الناس اللى بتسأل : عملت إيه لينا البلد ؟

    أسمحولى أنا اللى هسأل

    عملت ايه بينا البلد ؟؟؟؟؟؟؟؟؟؟

    تفرق كتير .. بينا وللا لينا ؟؟

    هى من امتى البلد .. كانت بتغرف وتدينا ؟؟

    من امتى البلد .. كانت حيطة بتحمينا

    ليه وازاى ومن امتى .. تجاهلنا ونسينا

    ان احنا اللى بنحمى نفسينا

    ان إيدينا دى .. لما تشتغل .. بتهنينا

    وربنا لو شايفنا بنعمل .. هايدينا

    ليه راسنا فى الرمال زى النعام

    ما بنواجهش اهمالنا قبل ما نواجه أعادينا

    خايفين نقول احنا السبب ؟؟

    أنا مش بخاف .. واحنا السبب

    احنا السبب ... احنا العرب

    كل العرب

    دين وانكتب

    على الجبين ومتعلق برقابينا

    كان طبيعى فى يوم

    نسد الدين اللى علينا

    كان طبيعى نحس بألم

    من الجراح اللى فينا

    واحنا السبب

    والجارح إيدينا

    أنا م البلد دى .. وبحبها

    وبحب كل واحد بيبنى فى أرضها

    هسامح وأعدى

    أصلى من البلد دى

    بكل فخر وكبرياء .. وتحدى

    ماحدش فى الدنيا أدى


    ويمكن مشاهدة الفيديو هنا:-


    [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الثلاثاء يناير 22, 2019 4:50 am