أسرة شباب الدلتا

أسرة شباب الدلتا

مرحبا" بكل السادة الزوار والاعضاء . نرجوا ان ينال المنتدى اعجابكم . بتسجيلكم نزداد تشريفا" وباقتراحاتكم نزداد تطويرا" . اهلا" بكم فى اى وقت ومن اى مكان ... ادارة المنتدى
حافظوا على مصر . اللهم احفظ بلدنا مصر من كل سوء وجنب اهلها الفتن يا رب العالمين . حافظوا على مصر

    بنت الجيران

    شاطر
    avatar
    islam

    عدد المساهمات : 59
    نقاط : 5289
    السٌّمعَة : 0
    تاريخ التسجيل : 13/10/2010

    بنت الجيران

    مُساهمة  islam في الإثنين فبراير 21, 2011 2:11 am

    بنت الجيران أُمممممممممممممممممممممم Embarassed

    قبل ما تقرأوا الحكايه دي مش عايز حد يفهمني غلط كل الحكايه اني بفضفض معاكوا
    حدث فى حقبة من حقب الزمن...


    الحكاية بتبدأ من حوالى سنتين....
    العفش بينزل من على عربية النقل...



    و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
    قالتلى اه يا حبيبى دى الشقة اللى قصادنا
    قلتلها ويا ترى عرسان جداد ولا عيلة وبتعزل؟
    قالتلى والله يابنى مانا عارفة
    قلتلها طيب.. يا خبر انهارده بفلوس.. بكرة يبقى بفلوس اكتر..



    و بعد أسبوع......
    أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
    قلتلها يا شيـــــخة!
    قالتلى: اه.. مرات الراجل عدت عليا انهارده وسلمت عليا وعرفتنى بيهم
    قلتلها: ايــه بقى عرسان جداد؟؟
    قالتلى لا دول أسرة.. عندهم ولدين وبنت
    قلتلها خير.. خير.. (والشر بيبظ من عينيا)



    و أثناء الحديث الشيق ده..
    طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
    و بعدين طلع ولد صغير ابتسم لنا اول ما شافنا....
    أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
    المهم.. الأم ندهت لبنتها...
    الحقيقة انا كنت أول مرة فى حياتى أسمع الاسم اللى هى ندهت به..
    أول مرة أعرف ان فى بنت اسمها كده أصلا...



    الام بتنده: يــــــا روفيدة (على وزن بثينة , بضم الراء يعنى)
    اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
    و طلعت روفيدة من ورا الستارة فـى حركة Slow Motion من بتاعة الافلام..
    و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
    مش قادر ارفع عينى من عليها.. مينفعش ارفع عينى من عليها اصلا...
    فضلت متنح لحد ما شافتنا انا وامى..
    لما شافت امى ابتسمت لها..



    و لما شافتنى زى ما تكون شافت عفريت ودخلت على جوة جرى...



    و تمر الأيام..
    و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
    ساعة ما الاقيها واقفة.. اطلع البلكونة..
    مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
    او بلعب عشر ضغط.. اى تلكيكة والسلام



    الغريب انها كانت فى الاول لما تشوفنى تروح داخلة جرى على جوة..
    لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
    بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
    واقف بالساعات مدام روفيدة واقفة... ارمى نظرة.. ابتسامة.. أشاور
    و كانت هى بتكتفى بالابتسام وعلامات الخجل...



    و ف يوم من ذوات الايام..
    بشاورلها.. شاورتلى
    بقيت هطير م الفرحة.. روفيده شاورتلى يا جدعان...
    قعدت اطنطط ع السقف وأغنى وحياة قلبى وأفراحه..
    و هبا إيـه هبا أاه.. إن شاء الله هنظبط
    امتى بقى اتكلم معاها ونهظر سوا...



    لحد ما جه اليوم...
    انا راجع م الكلية.. وعلى اول الشارع شفت أمى واقفة مع مامت روفيده..
    و المفاجاة: روفيده واقفة معاهم
    لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
    لحد ما بقيت عندهم.. عرقان طبعا وبنهج وحالتى حالة...
    نزلت عليهم زى الباراشوط..
    ازيك ياما.. ازيك يا طنط عاملين ايه...
    و بصيت لرٌفيدة.. كانت بصالى وبتضحك..
    كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
    قلتلها: ازيك يا روفيده؟!
    و كان رد فعلها غير متوقع بالمررررة... كان صدمة حقيقية بالنسبة لى..
    لقيتها بتمد ايديها وبتسلم عليا...
    و بتقولى: الحمد لله.. ازيك انت؟؟!
    رحت مسلم عليها....
    و قلتلها: الله يسلم قلبك يا روح قلبى..
    و رحت بايس ايديها....
    و رحت شايلها...........
    و قلتلها: انتى عندك كام سنة بقى؟؟
    "









    ***********




    "
    "
    "
    قالتلى عندى 3 سنين




    رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
    و من يومها وانا وروفيده اصحاب... كل ما تطلع البلكونه نلعب ونهزر مع بعض

    شفتوا ازاي انتوا فهمتوني غلط Embarassed

    dodo

    انثى عدد المساهمات : 18
    نقاط : 5118
    السٌّمعَة : 0
    تاريخ التسجيل : 30/11/2010
    العمر : 25

    رد: بنت الجيران

    مُساهمة  dodo في الثلاثاء مارس 01, 2011 10:04 am

    هههههههههههههههههههههههههههه بصراحه هى يدوب على قدك يا اسلام علبال متكون كونت نفسك تكون كبرت وحلمك يتحقق lol! lol!
    avatar
    محمد الغندور

    ذكر عدد المساهمات : 98
    نقاط : 5321
    السٌّمعَة : 1
    تاريخ التسجيل : 11/10/2010
    العمر : 25
    انا ساكن هنا : المنصورة
    المزاج : تمام

    رد: بنت الجيران

    مُساهمة  محمد الغندور في الثلاثاء مارس 01, 2011 3:55 pm

    اللة يخربيتك يا اسلام انا بحسبها حكاية بجد وانسجمت معاها بقى
    avatar
    islam

    عدد المساهمات : 59
    نقاط : 5289
    السٌّمعَة : 0
    تاريخ التسجيل : 13/10/2010

    رد: بنت الجيران

    مُساهمة  islam في الأربعاء مارس 02, 2011 2:07 am

    انا قولت برده كده يا دودو يعني 3 سنين ونقول كمان عشرين سنه الواحد يكون كون نفسه يبقي عندها 23 سنه كويس كده وكمان الواحد يربيها علي ايده وتبقي عروسه ميه ميه اصل الواحد مش لاقي الايام دي

    يعني مثلا ان عندي واحد صحبي اسموه محمد الغندور بيدور علي عروسه بقاله 34 سنه والسنه الي فاتت قلي انا لقيت عروسه عندها 23 يوم وفرح جدا وهايعمل الفرح يوم السبت الجاي الساعه2 الضهر اهو يادوبك العروسه تكون رضعت وغيرت البامبرز وانتي معزومه ياستي بس اوعي تتأخري لان الفرح هيخلص الساعه 3 الضهر عشان العروسه بتنام بدري
    avatar
    محمد الغندور

    ذكر عدد المساهمات : 98
    نقاط : 5321
    السٌّمعَة : 1
    تاريخ التسجيل : 11/10/2010
    العمر : 25
    انا ساكن هنا : المنصورة
    المزاج : تمام

    رد: بنت الجيران

    مُساهمة  محمد الغندور في الأربعاء مارس 02, 2011 2:16 am

    ههههههههههههههههههه دة ليك انت دى يا اسلام تتجوزها انت انت ناسى انى اكبر منك يلا ولا اية يبقى انت اللى تتجوزها انا كبيرهههههههههههههههههههههه
    avatar
    doaa saafan

    انثى عدد المساهمات : 31
    نقاط : 5198
    السٌّمعَة : 1
    تاريخ التسجيل : 05/11/2010
    العمر : 24
    انا ساكن هنا : حبيبتى و نور عنيا مصر ام الدنيا (مركز ومدينه اجا)
    المزاج : مفرفشه و منعنشه و حطه للدنيا فيونكه مدندشه وميا مسا ع الناس الكويسه

    رد: بنت الجيران

    مُساهمة  doaa saafan في الأربعاء مارس 02, 2011 12:09 pm

    هههههههههههههههه خلاص يا محمد انت و اسلام هتخسروا بعض عشان عروسه مبتعرفش حتى تتكلم
    وبالنسبه لمحمد هو غير رايه خلاص و لقى عروسه بس عندها 5 سنين ع الاقل يعرف يتكلم معاها ويعبر لها عن مشاعره ههههههههههههههه
    مش كده يا محمد انت اللى قولتلى كده هههههههههههه
    avatar
    محمد الغندور

    ذكر عدد المساهمات : 98
    نقاط : 5321
    السٌّمعَة : 1
    تاريخ التسجيل : 11/10/2010
    العمر : 25
    انا ساكن هنا : المنصورة
    المزاج : تمام

    رد: بنت الجيران

    مُساهمة  محمد الغندور في الأربعاء مارس 02, 2011 12:36 pm

    انا قولت اجوز واحدة عندها 5 سنين ههههههههههههههههههه لية اتهبلت انا انا اجوز واحدة اربيها ولا ايةهههههههههههههههههههههههه
    avatar
    لؤلؤه الشرق

    انثى عدد المساهمات : 28
    نقاط : 5094
    السٌّمعَة : 0
    تاريخ التسجيل : 18/12/2010
    العمر : 25
    انا ساكن هنا : السنبلاوين
    العمل/الترفيه : طالبه /ومحفظه قران فى الصيف
    المزاج : رضا امى على

    بنت الجيران

    مُساهمة  لؤلؤه الشرق في الجمعة مارس 11, 2011 4:14 pm

    ههههههههههههه بصراحه هو ام البنت حلو جدا وبصراحه انا كنت فاكره ان الراوى هيقول فى الاخر ان هو صحر من النوم كان عنده امتحان مهم ولا حاجه يعنى ماده جامده بس طلع حقيقى بس بجد حكايه جمده جدا وحلوه هههههههههههههههه تنفع حدودته قبل النوم

      الوقت/التاريخ الآن هو السبت نوفمبر 18, 2017 10:18 pm