أسرة شباب الدلتا

أسرة شباب الدلتا

مرحبا" بكل السادة الزوار والاعضاء . نرجوا ان ينال المنتدى اعجابكم . بتسجيلكم نزداد تشريفا" وباقتراحاتكم نزداد تطويرا" . اهلا" بكم فى اى وقت ومن اى مكان ... ادارة المنتدى
حافظوا على مصر . اللهم احفظ بلدنا مصر من كل سوء وجنب اهلها الفتن يا رب العالمين . حافظوا على مصر

    التعديلات الدستورية

    شاطر
    avatar
    السيد المزين

    ذكر عدد المساهمات : 173
    نقاط : 6171
    السٌّمعَة : -1
    تاريخ التسجيل : 09/11/2010
    العمر : 27
    انا ساكن هنا : ابو صير غربية
    العمل/الترفيه : طالب
    المزاج : عالى
    16032011

    التعديلات الدستورية

    مُساهمة  السيد المزين

    التعديلات الدستورية
    هل كل منا سال نفسه ماذا عن التعديلات الدستورية وماذا سيقول ؟هل سيقول نعم ام لا ؟وان كان سيقول نعم فلماذا؟وان كان سيقول لا فلماذا ؟
    ساطرح امامكم الاجابتين وعلى من يقول نعم او يقول لا ان يرجح مصلحة البلد اولا .
    اولا من يقول نعم
    1. لانهاء حالة الفوضى التى تعيش فيها البلد.
    2. وقطع الطريق على الثورة المضادة .
    3. تعديلات الدستور تلزم مجلس الشعب والشورى بانشاء لجنة تاسيسية لوضع دستور جديد.
    4. لعودة الاشراف القضائى على الانتخابات وضمان نزاهتها.
    5. لاختصار فترة الرئاسة لمدة اربع سنوات للفترة الواحدة وحد اقصى للفترتين 8سنوات.
    6. لالغاء قانون الارهاب الذى يعتبر بديلا عن قانون الطوارىء.
    7. تعديل قانون الاحزاب ليكون بالاخطار بدلا من اخذ الموافقة.
    من يقول لا
    1. للحفاظ على شرعية الثورة لانه بقيام الثورة يعنى سقوط الدستور وعمل دستور جديد وليس تعديله.
    2. لان المادة 75تحرم كثيريين من علماء ومفكرى مصر من الترشح للرئاسة
    3. لان القضاة المشرفين على الانتخابات ليس عليهم اى جهة رقابية ولا يمكن الطعن فى قراراتها.
    4. التعديلات الجديدة تصنع ديكتاتور جديد.
    5. المادة 75جعلت الحد الادنى لسن الترشيح للرئاسة 40 ولم تضع حد اقصى .
    6. المادة189جعلت تشكيل اللجنة التاسيسية لوضع الدستور مائة عضو من مجلس الشعب والشورى وليس من الكفاءات والخبرات المختصة لذلك.
    ملحوظة هناك سؤال يساله الجميع لماذا وافق الاخوان على التعديلات الدستورية وهناك اغلبية يرفضونها؟
    على من يقول نعم ان يبرر موقفه ومن يقول لا ان يبرر موقفه


    _________________
    شاعر الجيل
    مُشاطرة هذه المقالة على: diggdeliciousredditstumbleuponslashdotyahoogooglelive

    avatar

    مُساهمة في الأربعاء مارس 16, 2011 8:53 pm  عادل أحمد العوضى

    بص يا عم سيد انا موافق جدا" على التعديلات دى وهقولك لية

    اولا" يا سيدى بالنسبة للملحوظة بتاعت الاخوان دى انت معندكش حق
    لان كتير جدا انا اعرفهم لا اخوان ولا بينتموا لاى حزب او جماعة وموافقين
    وكمان يا عمونا انت بتقول ان الاغلبية بترفض هل انت عملت استفتاء شعبى للكل
    علشان تحكم
    عموما" الزمن هيكأدلنا معدتش الا ايام وهنتأكد م الحتة دى

    ثانيا"انت بتقول ان للحفاظ ع شرعية الثورة لازم يتعمل دستور جديد وهو دة اللى ف التعديلات
    والرئيس الجديد ملزم انه يشكل لجنة لوضع دستور جديد

    ثالثا"انت بتقول ان التعديلات بتحرم كتير من علماء ومفكرى مصر
    دة مش بيس يا مان علشان دة كويس لان فى حد معين جااى يركب فوق الثورة وهو متجنس بجنسية غير مصرية
    وعاش برة مصر اكتر مما قعد فيها وكمان لازم رئيسنا يبقى واحد مننا عايش معانا عمر كبير
    علشان يحس بينا ويقدر يساعدنا اننا نتقدم علشان اللى مننا وعايش وسطنا اكتر دراية بحالنا

    رابعا" يا سيدى انت بتقول ان القضاة مفيش عليهم رقابة
    ياترى ممكن تقولى مين اللى بيجيبلك حقق لما بتكون مظلوم غير القضاة ؟؟
    ويا ترى لو انت خليت حد يراقب القضاة احنا بقى هنضمنة منين ؟؟
    اقولك احنا ندخل الجيش الاسرائيلى يراقب قشطااا

    خامسا"التعديلات تصنع ديكتاتور جديد دة كلام فارغ كله اقول لية
    علشان يا معلم محدش هيقدر يحكم مصر بالدكتاتورية بعد اللى حصل
    وكمان انت هيبقى قدامك المرشحين محدش هيجبرك ومش معقول بقى هنفضل نشك من اجل الشلك
    ونسيب البلد واقعة

    سادسا"المادة 75 انت عاوز حد اقصى لية يعنى دة بقى اسمه تلكيك وحجج فارغه اقولك لية بردوا
    مفيش يعنى مثلا" واحد عنده 80 سنة ولا حاجة هيترشح ولو افترضنا طلما ان الراجل ف صحته وقد المؤلية ومالة يا عم لما يترشح

    سابعا"المادة 189 دى فشر لانها مش بتقول ان اللجنة هتكون من الشعب والشورى بس دى هتبقى فيها نسبة منهم مش كلها منهم وبعدين هو مين اللى هينتخب الناس دى يا برنس غيرك لو فرضنا انه هيحصل
    وكمان الدستور الجديد هيتعمل عليه استفتاء يعنى مش هيحطوة ويقولولك هو كدة بالعافية
    يعنى يا معلم لو معجبش ابقى ارفض وزلهم وخليهم يحطوا دستور غيره علشان يجيبوا اللى يعجبك






    وف الاخر باقولك يا باشا انا اية يضمنلى ان البلد مش هتخرب على ما نستنى وضع دستور جديد من غير ما الجيش يرجع مكانة والسلطة تبقى ف ايد واحد م الشعب
    وكام كل اللى بيقولو لاء وبيعلنوا ده ع التى في اكيد لية مصالح شخصية
    واظن معاملتك مع الناس عموما" اثبتتلك الوضع عامل ازااى وكمان ازاى احنا لسة عندنا همجية ومفيش التزام وبنثور من اجل الثورة وساعة الجد كلة بيهرب وطبعا" انت عارف قصدى


    والله ولى التوفيق وتحيا مصر يا عم الحاج


    مُساهمة في الأربعاء مارس 16, 2011 9:46 pm  adel15481oo

    بس يا معلم ياللي موافق علي التعديلات انت
    اولا
    احنا محناش عاوزين حد يتحكم في شعب كامل ويحصر اختيار الشعب في خمس مواد من دستور هلهلل اساسا ومتبهدل
    يا اما يتوافق علي الخمسه جمله يا اما يترفضوا جمله
    وبعدين ايه رأيك دلوقتي في كلام الست اللي بتقول أن الزفت فتحي سرور شارك في وضع التعديلات الدستوريه الجديده وان فيه ناس مجنده شباب علي الانترنت تحث الناس علي قبول التعديلات
    مين قال أن واحد هيخدم البلد لازم ولابد واكيد يكون عاش طول عمره جوه مصر ليه هو حب مصر بس في اللي عايش فيها ولا ايه علي كده بقي اي واحد كان بيدور علي اكل عيشه بره مصر وسافر او اخد جنسيه دا خاين بقي علي كده وميستحقش يتقال عليه مصري خلي بالك اللي خلاهم يعملوا كده النظام يا معلم اللي فات هجوا وسابوا البلد من اللي شافوه
    ثم تعالي هنا بقي كده وبالعدل
    انت مفكر ان الجيش ملخوم معانا في حفظ الامن وسايب حدودنا يا عم بطل ادعاءات دا الجيش في حالة استنفار دلوقتي وخصوصا علي الحدود
    عموما يا شباب
    انا مش موافق علي التعديلات دي ولا علي دستور 71 اصلا
    وكفنا رضا بالفتات يا شباب دماء الناس اللي ماتت عشان انت وهو تتكلموا كده بحريه وبطلاقه مش هتروح هدر
    avatar

    مُساهمة في الأربعاء مارس 16, 2011 10:08 pm  عادل أحمد العوضى

    اولا" يا باشا شكرا" على زوءك (بس....انت)بجد كلام زى الفل
    lol!

    وثانيا" مين الست اللى قالت دى وهل اللجنة اللى عملت التعديلات دى عبيطة يعنى علشان تجيبة وتخلى الشعب يقوم عليها

    وثالثا" اللجنة كان مسموح لسها انها تعد اى مادة هى شايفه انها محتاجة التعديل ودة كلام الجيش

    اما رابعا" ف سيادتك بتقول ((خلي بالك اللي خلاهم يعملوا كده النظام يا معلم اللي فات هجوا وسابوا البلد من اللي شافوه )) طيب ليه كلنا معملناش كدة وهجينا ولية الناس المعارضين اللى كل شوية كانوا ف السجون مهجوووش؟؟

    خامسا" انا على ثقة ف الجيش وعارف انه مأمن الحدود بس مهمته مهما كان تأمين الحدود وحماية البلاد غير كدة يبقى احنا بنظلمه وبنضغط عليه

    وسادسا" حضرتك بردوا بتقول ((وكفنا رضا بالفتات يا شباب دماء الناس اللي ماتت عشان انت وهو تتكلموا كده بحريه وبطلاقه مش هتروح هدر)) مين قالك اننا مكناش بنتكلم بحرية وبطلاقة؟؟!!!

    ولا تكونشى شيخ وانا معرفش !!!

    ممكن بردوا الله اعلم

    عموما" لو كنت شيخ اتنبألنا بقى بالنتيجة هتبقى اية وحال البلد هيبقى عامل ازااى
    avatar

    مُساهمة في الأربعاء مارس 16, 2011 10:16 pm  السيد المزين

    بص يا سيادة الرئيس انا هاسالك شوية اساله وترد عليا ها جيبلك مادة مادة
    المادة 77الخاصة بمدة الرئاسة اولا اربع سنوات ويجوز لرئيس الجمهورية الترشح مرة واحدة فقط لغيت هنا حلو هل هما حددوا ان بعد لما يجى رئيس غيره ممكن يرشح نفسه تانى( الرئيس السابق ) مع ملا حظة( يجوز) هل هما نسينها ولا عارفين ودى مش من عندى رجل قانون الا قالها لى ؟.
    المادة75والتى تقول ان يكون الرئيس لابوين مصريين وان يكون متزوج من مصرية لا اجنبية والا يكون قد حصلا ابويه على اى جنسية اخرى دى فيها زى ما قال الدكتور خاطر نوع من التشدد وانت عارف المادة دى بتمنع مين من الترشح للرئاسة هل دى مقصودة فى مثل هذا الوقت ها تقولى علشان محدش يركب الموجة ما البرادعى ركب الموجة وغيره كتير داخل مصر؟
    المادة 139ليه النائب ميكونشى له نفس صفات الرئيس وننتخبه زى الرئيس افرض مثلا الرئيس مات وكان النائب فاسد ها يحكمنا فاسد تانى؟ودى مش من عندى
    بالنسبة للمادة الخاصة باللجنة الا هاتشرف على الفرز لماذا لا يصح اننا نطعن فى قراراتها ولا نعترض هل هم انبياء لا يخطئون هناك انبياء اخطات؟
    حاجة مهمة ولا زم كلنا نحترمه وهى شرعية الثورة ودى مش تلكيكة الثورة الا خليتك تقول رايك والا ضحى فيها الشهدا فيها بدمهم حرام يروح هدروالثورة الا ليها مزايا كتير هانعرف امتها بعدين بل انا عرفت امتها دلوقتى.
    ها اقولك ملحوظة اعرف اننا لو قلنا لاء هنهدم البلد بالعكس احنا بنبنيها على اساس سليم هاتقول الدستور المعدل دستور مؤقت بس الدستور المؤقت ده هو الا ها ينتخب على اساسه الرئيس ومجلس الشعب والا هايعين على اساسه النائب ليه منبداشى صفحة جديدة مع دستور جديد .
    وعلى راى الدكتور شريف خاطر الا انا اقتنعت بيه لو عندك بدلة قديمة من سنة 1971وفيها شوية تشويهات ها توديها عند الترزى بس هل هاترجع زى الاول ولا هاتبقى مرقعة زى الدستور المرقع الا كنا عايشين فيه والا هانعيش فيه تانى لو قلنا نعم للتعديلات.
    avatar

    مُساهمة في الخميس مارس 17, 2011 11:35 pm  عادل أحمد العوضى

    أولا" وقبل كل حاجة فوق شوية وركز ان التعديلات دى مؤقته لغاية ما يتحط دستور جديد
    فبلاش نبنى افكارنا على طريق ان الدستور دة هيستمر ونبص للمدى البعيد قووى كدة زى ما
    سيادتك بتعمل


    تعديل المادة 77 عااااادى جدا" مهو بالعقل لو هو كان كويس الشعب هينتخبه ولو اساء لمرة واحدة محدش هيعبره وعمره ما هيطول الرئاسة تانى

    تعديل المادة 75 بيخلي الرئيس اللى جاى يبقى مصرى أصيل بثقافته وفكرة ميكونش الغرب ولا غيره اثر فيه وخلاة ينسى عروبته

    تعديل المادة 139 انت بتقول ان النائب يبقى منتخب يعنى هنبقى بقى طول العمر نقضيها انتخابات رئيس ونائب ومجلش الشعب وغيره
    وبعدين النائب دة لو الرئيس مات مش هيحكمنا انت جبت دة منين هو بيمسك لفترة مؤقته لغاية انتخاب رئيس جديد والاولى ليه انه يبقى عادل ويحكم بكل ديمقراطية علشان الرئيس الجديد يختاره

    اما عن الاشراف فركز تانى التعديل دة مؤقت لفترة انتقالية لغاية وضع دستور جديد وحاليا" اى رئيس مهما كان سىء او كويس هيبقى ليه اعداء واى عضو مجلس شعب وشورى هيبقى بردوا ليه اعداء بالضبط زى اللى اتعمل مع احمد شفيق رئيس الوزراء مع انه رجل يشهد له الجميع بالامانة وتاريخه يثبت دة بس الهمجية هى اللى خلته يتنازل
    وانت بتقول ان اللجنة دى مش انبياء والانبياء منهم من اخطأ وانا هرد عليك وأقولك ما شريف خاطر بردوا ممكن يكون مخطىء هو كمان وكلامه مش قرآن وانت عمّال تستشهد بكلامه

    انت يا باشا بتقول شرعيه الثورة هههههههههههههه
    عذرا" انى باضحك لانى غير مقتنع تماما" بان دى ثورة تستحق الاحترام حتى الآن لانها لم تعود علينا الا بالتخلف والخسارة والمطالب الفئوية والهمجية وجعلت كل تافه يتحدث باسم الثورة ورأينا الكثيرين ممن تعلوا اصواتهم عندما نطلب منهم العمل المفيد نجد الصمت قد حل ويرجع الكل الى الوراء واظن انا وانت اتعرضنا لده والحاجة دى ضايقتنا جدا" وعلى فكرة انا مش بانظر لشخص بعينه لكنى عندى احساس ان فى كتير على الحال دة
    فاللى محتاج يتغير هو ضمير الشعب وليس الحكومات والانظمة


    بردوا رجعت وقولت د/شريف خاطر انا مش عارف هو كلامه قرآن ولا اية عموما" يا باشا
    انت لو بيتك أيل للسقوط وانت عندك بدله مهلهله وف حاجة لكل قرش من اجل اقامه بيتك هتروح تشترى بدله جديدة وتسيب البيت مع انه ممكن يقع ف الوقت دة ولا هتبنى البيت وبعد كدة تشترى بدله وتنقى براحتك وانت اعصابك هاديه ومرتاح

    وتحياتى لكل من يقول نعم وايضا" من يقول لا ولكن ضعوا مصر نُصب أعُنيكم ولا تجعلوها فريسة لاعدائها بالداخل قبل الخارج

    والله الموفق
    avatar

    مُساهمة في السبت مارس 19, 2011 4:35 pm  لؤلؤه الشرق

    رسمنا على القلب وجه الوطن نخيلا ونيلا وشعبا اصيلا

    فداكى يا مصر طول الزمن ليبقى شبابك جيلا فجيلا

    على كل ارضا رسمنا علامه قلعا من النور تحمى الكرامه

    السلام عليكم
    اولا .هناك كلمه سمعتها وعلمت فيها العقل قال احد الحكماء (اذا قابلت فتنه الغوغاء فقبلها باصمت افضل لانك اذا تحدثت ثوف تتهم بالخيانه )

    ثانيا . احترامى لراى الاستاذ عادل جدا ولانك فعلا ثوره عظيمه دى عملت فى 18 يوم اللى مصر حولت تعمل عكسه فى 50 سنه دى دمرت البلد والاقتصاد والسياحه والبورصه وسمعه المصرين بالخارج وكمان العلاقات بالدول العربيه كل دا ولسه مش شايف عظمتها لاسف هذه علامات القيامه وهى ان يولى امرنا من يفسد لا من يصلح ويعطى الامر لغير صاحبه فالشباب افسدو على غير المعتاد وتملكو ذمام الامور فيما ليس لهم بيه علم

    ثالثا واخيرا اعتذر ان كنت اسات لشخص بعينه فالوطن اغلى من اى مخلوق على الارض عندى وانهرت لاتهيار وطنى ولككن اخيرا اقول ( ان خس جسمى لسه فيا اسمى )

    السلام عليكم

      الوقت/التاريخ الآن هو الأربعاء ديسمبر 19, 2018 1:06 pm